A. -

"Pierre"

1.

[Servant dans la construction] : Et lors se mue en une serpente grant et grosse et longue de la longueur de XV. piez. Et sachiez que la pierre sur quoy elle passa a la fenestre y est encores, et y est la fourme du pié toute escripte. (ARRAS, c.1392-1393, 260). Lors, quant elle [Mélusine en forme de serpent] ot le fort environné troiz foiz, si se vint fondre si rudement et si orriblement sur la tour Poitevine, en menant tel tempeste et tel escroiz, qu'il sembla a ceulx de leans que toute la forteresse cheist en abisme, et lors sembla que toutes les pierres du massonnage se remuassent l'une après l'autre. (ARRAS, c.1392-1393, 261).

-

De pierre (de taille) : Et quant il approucha un petit plus, il apperceut un hostel de pierre a maniere d'une chappelle. (ARRAS, c.1392-1393, 29). ...il apperceut le bourc, qui estoit cloz de haulx murs et de grosses tours et drues, et les fossez parfons et tous fais de pierre de taille, et voit la tour haulte et grosse entre le bourc et le fort (ARRAS, c.1392-1393, 77). Et cuidiez vous que j'aye cure de faire une maison d'or ? Celles de pierre que monseigneur mon pere et madame ma mere me ont laissiees me souffisent bien. (ARRAS, c.1392-1393, 295).

-

Tailleur de pierre : Et puis fist venir grant foison macons et tailleurs de pierre, et fist commencier sur la ounye roche et bastir les fondemens telz et si fors que c'estoit merveilles a veoir. (ARRAS, c.1392-1393, 46).

2.

[Utilisée comme arme, comme projectile] : Les uns saillent, les aucuns luttent, les autres gectent la pierre ou la barre de fer ou la lance ou la darde. (ARRAS, c.1392-1393, 178).

-

Jet de pierre : ...ne ja toy, ou ly hoir qui l'aura, ne morra par armes quelxconques de trait, de ject de pierre, ne d'autre chose. (ARRAS, c.1392-1393, 259).

-

Pierre de faix. "Pierre de grand poids" : Penons nous de prendre la cité avant que le secours leur viengne. (...) Qui lors veist Sarrasins saillir es fossés, et portent pics, houyaux, eschielles, piez de chievre. Mais ceulx de dessuz leur gettent pierres de fais, grans bans traversains, pieux aguisiez, huille chaude, plonc fondu, pocons plains de chaux vive (ARRAS, c.1392-1393, 110).

B. -

"Pierre (précieuse)" : Et y a en la chambre tant de richesse que c'est sans comparoison, comme chandelabres d'or et de riches pierres, torches, lampes qui y ardent jour et nuit. (ARRAS, c.1392-1393, 14). Et tenez, mon amy, a nostre amour commencier, je vous donne ces deux verges d'or qui tiennent ensemble ; [dont] les pierres ont moult grant vertu, l'une que cil a qui elle sera donnee par amour, ne pourra mourir par cops d'armes, tant que il l'ait sur lui, l'autre qu'elle lui donrra victoire contre tous ses mal veullans, s'il a bonne querelle, soit en plaidoierie, ou en meslee. (ARRAS, c.1392-1393, 27). ...uns anciens chevaliers, moult noblement acesmés et ceint d'une ceinture a pierres precieuses et a perles, monté sur un hault palefroy lyart (ARRAS, c.1392-1393, 38). Lors prent le fermail d'or ou il ot mainte bonne pierre et riche (ARRAS, c.1392-1393, 99).